2024
RUK EN RYM-jaarblad 2024
Taalgenoot-RUK EN RYM is in 2024 vir die tweede keer aangebied. Die keurpaneel het bestaan uit Jaco van der Merwe (Bittereinder/Half-Sister), Hunter Kennedy (Fokofpolisiekar/Die Heuwels Fantasties), Jerome Rex, Albert "Vuurwolf" van der Merwe (Spoegwolf) en Rosey die Rapper.
Meer as 80 alternatiewe musikante van regoor Suid-Afrika het ingeskryf en 20 semifinaliste is gekies.
Lewendige vertonings
Die eerste 10 semifinaliste het by Railways Café in Centurion meegeding vir 'n plek in die finaal en die volgende 10 by Daisy Jones Bar in Stellenbosch as deel van die Toyota Stellenbosch Woordfees. Uiteindelik het 10 finaliste weer by Sognage in Johannesburg om die RUK EN RYM-kroon meegeding.
Octavia Roodt en Kyle Kemink het die plakkate vir die byeenkomste ontwerp.
Beoordelaars
Die beoordelaars by die semifinale rondes was Jaco van der Merwe, Paul Riekert (Battery 9) en Augusta Zietsman (Sossi). By die Gauteng-semifinaal is hulle bygestaan deur Henco Harmse van Spotify Afrikaans as gasbeoordelaar, terwyl Karen Zoid die gasbeoordelaar by die Kaapse semifinaal was.
By die Groot Finaal is Jaco, Paul en Augusta bygestaan deur Zaan Sonnekus en Jolyn Phillips (Die Wasgoedlyn) as gasbeoordelaars.
Wenners
Die algehele wenner vir 2024 was die supergroep Dierbaar na die Maan, Die FakboiZ was die naaswenners, Just Mia het derde geëindig, en Die Bom en die Ster was ook onder die top-4.
2024 se vennote het die Spotify ingesluit – dié stromingsdiens het na afloop van die finaal 'n waardevolle werkswinkel vir al die semifinaliste van 2023 en 2024 aangebied.
Fotogalery
Rock aan!
Voel die bas!
Rym en rebellie.
Skree vir die skare!
Klankbaan van ons jeug.
Ruk die mik!
Woorde is wapens.
Snare en stories.
Mosh nou, huil later.
Beats en bars.
Vonk in my verse.
Drop daai beat.
My flow, my vuur.
Swaar lirieke, lig bene.
Bars gebou op pyn.
Van die straat tot die verhoog.
Geen terughou nie.
Loud en trots.
Die verhoog is my kerk.
Een kans. Een skoot.
Klap dit!
My stem, my wapen.
Skree soos jy voel.
Hartklop = Hi-hat.
Van drome tot decibels.
Geen genre, net gevoel.
Bloed, sweet en snare.
Dis nie net musiek nie, dis mens wees.
Die beat hou aan klop.
Verloor jouself in die klank.
Ons is die chaos agter die stilte.
Draai die volume op!
Onverskrokke op die verhoog.
Verse met venyn.
Kuns in klank.
Snare soos stories.
Rap is my respek.
Alternatief, altyd.
Van garage tot glorie.
